悅香飯店 (已結業)

午饭时同同事订左悦香饭店进膳，去到时发现，其实唔洗订枱都无乜所谓，因为午饭时段同区比较，悦香饭店真系无乜人。注︰无乜人唔系话佢D食物唔掂。食得悦香，都知道预左要受少少气，食餐饭啫，都要受少少气，真系有点儿那个。第一次受气就系点菜时俾店少二串，你地点咁少菜就够食嗱？唔点多几个？第二次受气系，我地点左清炒时蔬，上到枱时先发现系通菜，咁好自然就问店小二可唔可以俾腐乳我地点来食，点知店小二一句呻埋来「你地点菜时唔叫腐乳炒通菜？」呢个时候又系想爆粗既时候，只系著住西装唔想有失身份做「斯文败类」啫！一句到尾，老字号饭店就系存在著这个服务性问题。我知你出名，但刘华都讲啦！今时今日咁既服务态度系唔够GA！讲返食物，「清炒时蔬(通菜)」不算太多油，又不会炒得太老。「椒盐鱿鱼配酥炸蚬蚧鲮鱼球」大少份量刚刚好，可以一口一件。食落口时亦不会感到炸得太过火，不错。「上汤虾球伊面」既虾球好爽同大粒，而汤底清淡，不像其他酒楼般太过味精浓味。最后系「贵妃鸡配叉烧双并」，叉烧很瀡，贵妃鸡很嫩滑，冰鲜鸡都可以做到咁，真系唔错。始终，贵妃鸡都系此店既招牌菜式。不过，分别试过普通贵妃鸡同金牌贵妃鸡，咁多次都食唔出有乜野分别，