營然 (已結業)

话说之前去埃及，差唔多日日都食自助餐，就算天生丽质，都会肥咗少少咁啰！返到嚟香港，当然要得轻营啲，咁先可以keep住我魔鬼身型㗎嘛！今日，就去北角营然，主打健康饮食。双拼饺子 - 香菇粟米猪肉水饺 + 韭菜猪肉水饺全部饺子自家制，包得好饱满，超级足料，配上高汤，清清地，好健康。饺子皮虽然有啲厚，不过口感一流。一食落口韭菜猪肉水饺，就有好香浓嘅韭菜味，食得出系新鲜包起，十分爽口。另外，香菇粟米猪肉水饺味道丰富，浓郁香菇加粒粒甜粟，真系无得弹！麻辣手撕鸡饭手撕鸡撕到一丝丝，肉质嫩滑，鸡味浓郁，配埋惹味麻辣油，十分醒胃，食多碗白饭都得！无花果苹果雪梨雪耳炖猪展呢个炖汤一啲都唔马虎，原盅炖，切粒苹果雪梨加雪耳，十分足料，入口清甜润喉。柠檬薏米水 + 罗汉果菊花茶两杯自家制饮品都无添加糖，非常健康。薏米水十分足料，粒粒薏米，清热祛湿，再加埋柠檬，有助美白，正！罗汉果菊花茶好香浓罗汉果味，清热止咳一流！