金邊粉泰國菜

营业中

休息中

球场旁边有好几间食肆，暂时只系食过呢间泰国菜馆，感觉非常良好。第一回喺食下午茶，叫咗金不换炒金边粉，谂住都系细细碟，点知大碟到食唔晒，好彩带定食物盒出街。自己超钟意食香草，碟粉上枱时香气四溢，开心！金边粉冇炒到一pat pat，干身得嚟够镬气；料多有芽菜、大大件鸡肉、蛋丝；垫底生菜翠绿企理冇啡边，食到底冇油淋淋，属诚意制作。捞埋辣椒粉，越食越起劲。后来午饭时段再嚟，试吓海南鸡饭，上枱惊见系食鸡脾，卖相靓，份量大。同上次喺大埔水门食的一样，属清淡鸡饭系列，不过呢度的鸡件明显肥美、嫩滑、有鸡味；饭同样少油，但较香。浓香酱汁喺成碟饭的灵魂，姜味重于咸辣，清新惹味，捞饭点肉唔少得。熟客多，店员唔会对生客厚此薄彼，服务勤快周到。