但馬屋 (新都會廣場)

营业中

休息中

疫情缓和，终于可以约人食饭啦，好耐无见嘅旧同事约食饭，当然要见下啦，朋友相聚打边炉就最啱，唔洗互相迁就食乜，仲可以一边食一边吹水。而我哋就拣但马屋，贪佢够近仲可以网上攞位，唔洗慢慢排。原来但马屋真系好受欢迎，7点左右去到，已经有海量嘅食客排队，睇来大家都等咗晚市堂食解禁好耐。好彩同事醒目，6点左右已经攞咗飞，去到等多阵就可以入座。但马屋都好细心，会做足防疫措施，真系食都食得安心d。爱辣嘅我拣咗药膳麻辣锅，而同事就拣咗美肌锅，锅仔细细，一人一锅啱啱好。我哋今晚食严选牛肉放题，肉质都ok㖞，而且呢度呢配料相当多，基本上要有的都有，仲不停refill, 唔怕食唔饱。而饮品选择唔算特别多，但基本的都有齐，最特别系有O哈饮，但试无妨。嘻嘻哈哈，咁就差唔多够钟，当然要食埋佢哋嘅甜品先够完满。甜品系Haagen Dazs雪糕，有几款基本口味可以拣，而最好嘅系，佢哋系用纸杯装，够干净卫生。