君綽軒

营业中

休息中

朋友试过君绰轩个点心放题觉得唔错， 推介叫我去试吓。上官网睇过，呢个点心放题除咗午市外， 晚市都有供应， 喺酒店中菜馆晚市时段食到点心放题都算几特别。 订位试试晚市时段饮夜茶。点心纸上列出嘅各式各样点心选择都唔少，前菜，烧味，蒸/炸点心，粥粉面饭 ，甜品等，粗略数过吓都超过40多款，不过点心款式方面就多是大路款式，无乜惊喜。欣尝大部份点心是可以每件点， 咁样可以试多几款唔同嘅点心。 150分钟嘅用餐时间， 对我来讲是非常足够， 唔会食得好赶。 叫咗点心纸上大概六成左右嘅嘢食，个人认为用我对酒店中菜馆嘅标准来讲大部份点心水准都只是中规中矩， 唔算突出。 不过， 如果单以食物选择来讲，又想一个价钱可以尽情食到好多唔同款式嘅点心， 呢个点心放题一定啱你。