龍城冰室

营业中

休息中

系香港谂唔到去边食又劲肚饿既时候，茶记绝对系唔洗谂既选择。 除左总有一间系左近，仲要咩都有得叫，又快靓正，一啲负担都冇。今日开完OT攰到一个点，唔理咁多就去左龙城冰室，因为佢真系算好食，啲服务态度又好，就算攰入到去坐底都好舒服，起码唔会催你叫野，又冇比面色人睇。而家佢地真系越黎越大众化，真系咩都有得叫。 常餐食面，晚餐叫饭面，沙律，铁板，扒意粉，小菜，小食，真系好多野简。 最后，简左个铁板西冷配薯菜。 竟然仲有得简几成熟，仲有得跟包同汤。 我就简左菠萝宾治特饮，超正，够大杯又消暑又解气。 西冷要7成熟，真系唔讲得少，厚得黎好嫩口，最紧要仲有啲爽，好难得茶记煮得咁好。 个薯菜既薯仔好甜。 食完再加多件芝士流心西多。 果然好厚，切开中间芝士真系流心，正到爆。尽情食一餐既感觉真系超爽。