鮨一心 (已結業)

如果唔系元朗友介绍，我同爱人就算经过都唔会为意有间日本料理，门面低调，主要做熟客生意，一个👤介绍一个👥，回头比率高，亲身经历后，少左份令我透不过气嘅高格调，多左份人情味，坐得自在，食得舒服。前菜两款，三文鱼白瓜醋物及酱油煮BB响螺蛋卷，蛋黄同蛋白无完全打混，做出云石效果，口感比打混嘅蛋卷更有质感日本藉师父基本上每上一道菜色都会用广东话讲一讲系乜，但在下实在太井底，睇又睇唔明，听又听唔清，所以唯有默默食，大概知系乜就大胆介绍下，请勿见笑😜帆立贝，洒上盐及芥末粉，中间加入少少柚子，令以往食开嘅帆立贝不再一样吞拿鱼外熟内鲜，加上生葱芝麻，微微辛香赤贝，开花如煲呔，中间放点点梅子酱，斋睇已经好有睇头三文鱼籽，一口放入，冰冻鱼籽汁液响口腔入边好似烟火般一刹那爆出，谂返起口水都流🤤吞拿鱼腩寿司，够香滑海胆寿司，瓣瓣如手指公咁大，味道鲜甜用新鲜鱼皮熬制嘅汤，胶质非常丰富日本淡路岛无花果，果糖高，比其他国家嘅无花果都甜，底部片叶好靓，问老板系乜叶，原来系日本樱花叶，腌制过，大胆尝试用樱花叶包裹一口无花果食，无谂过可以咁合配👍🏼