No. 5 Lounge (已結業)

今日同同事去倾计食个lunch,经过鸿图中心的food court，见到呢间No.5 Lounge. 就即刻停低决定食佢。咁我哋一人叫左一个餐，我就叫左一个巴马火腿意式馅饼，同一杯鲜奶绿茶。而朋友就叫咗一个黑椒牛肉意式馅饼加热朱古力。讲讲巴马火腿意式馅饼，感觉到佢成个包都系新鲜，连个包都系脆的，加埋佢切芝士的厚度同埋巴马火腿，再配合埋蜂蜜芥末酱，成个配搭都好有好口感同好味。而黑椒牛肉馅饼，同巴马火腿芝士意式馅饼差唔多，口感好似，都唔错。仲有听到佢同事讲，原来佢哋啲包每一日都系新鲜拎，非常之欣赏，同埋好味！至于鲜奶绿茶，佢哋嘅拉花好值得影相，饮落口绿茶味几出，我钟意饮！朋友比较钟意饮朱古力，呢个朱古力味几浓，好饮。整体环境非常之好，绝对系一个可以坐喺度慢慢倾计嘅地方，而且员工的服务态度非常之好！