大谷倉 (已結業)

今日男朋友话想去打边炉，上openrice咁啱睇到呢间，见到得一个食评，开头心谂系咪唔好食所以冇人去，又或者啱啱新开。所以就谂住博下，Book左8点不过早到左。一去到见到有晒花牌，原来系新开既，一入到去发现几乎全场爆晒。呢间放题店系路轨送肉既，其他配料，饮品同雪糕就要出面攞，肉类要用pad落单。我地嗌左个鸳鸯汤底，地狱汤同蕃茄汤，前者好香麻味，但系男朋友就觉得唔够辣，不过够唔够辣就视乎你既接受程度，后者就好有蕃茄既原味，唔会个味好假。我地拣左美国牛既套餐，送白豚肉，质素算高，地方又干净，服务态度好好，特别一赞系姓戴既经理，好好人，唔会黑口黑面！下次一定会再黎食，希望呢间放题店迟啲会开多啲分店！