Riso Café (已結業)

寻晚同老公在riso食dinner, 原本想去euro go go, 但已满座, 见riso冷冷清清, 还担心其食物质素, 睇过menu, 还是决定一试。叫了个2人套餐, 有一客蒜蓉包, 2碟意粉/饭, 2杯饮品+2份生果, $99。蒜蓉包几好味, 拍得住pizza hut的水准。当日main dish系白汁肠仔意粉and虎虾烩饭, 个意粉好够汁同够味, 反而个饭麻麻地, 无乜味。2杯drink拣左一个芒果+波罗(唔记得名), 几好, 芒果味同波罗味好平均, 又唔会太甜, 又不会冻到入心入肺。另一杯系玫瑰蜜茶, 即玫瑰花茶+蜜糖, 蜜糖份量是自己落, 可迎合不同人口味。2份生果有西瓜, 蜜瓜, 哈蜜瓜同波罗4款任拣, 我们选了西瓜同哈蜜瓜。最好的系生果唔会有烂溶溶唔想入口的感觉之余, 还加了沙冰上面, 令生果能保持冰冻, 值得一赞。环境虽细, 但格调ok, 感觉干净同舒服, 二人世界或三五知己谈心都岩。