和田日本料理 (已結業)

见价钱好似都唔系太贵，兼几近屋企，星期日晚嚟试，但奇怪晚市竟然唔满，不过咁重好，唔驶迫餐懵。坐低先叫嘢饮，有啤酒汽水果汁同麦茶任饮，啤酒系Kirin，唔错。另外重叫咗一个$15嘅暖sake，不过只系一般，唔推荐。我食日式放题主要食刺身同烧物，其他食品例如寿司、面、锅物个d就冇试；但见点菜纸上都几多款式。刺身系大路嘢，款式唔算多，记得嘅有三文、吞拿、希灵、八爪鱼、北寄贝同剑鱼，好似重有其他一二款但记唔起。刺身算新鲜，重咗北寄贝比较麻麻外，其他都唔错，印象较深有吞拿同剑鱼，几肥美。烧物最正系烧牛扒，有牛味烧得够香，encore咗几次，另外烧鲭鱼、东菇、鸡软骨亦好食。招呼算ok，落柯打都唔驶点等，食物嚟得几快，又冇漏单，呢样抵赞每人连加一$200，以呢个价位同埋食物水准嚟讲，都算抵食；而且唔系太迫人，值得一试。