影片
更多
2014-03-28
1162 浏览
今次系第二次黎，第一次黎果阵，系去开V-CITY果头做野，见价钱ＯＫ，入去试下。坐低觉得几舒服，环境光猛干净，叫左个泰式卥猪脾饭食。好味！Ｄ猪手炆到软身，猪皮同猪肉都好入味，送饭一流～仲有埋老火汤，多料，真系煲出黎，有骨胶原，唔系稀流流果种。讲返正题，今日同四个朋友去屯门影相，谂起个猪脾饭，就一齐去依间食晚饭。去到坐满人，等左一阵有得入座。今次可以试埋其他小食！泰式凤爪，爽口弹牙，酸酸辣辣，够晒醒胃，转个头就抢晒！一上菜即刻抢晒系列，相机都未拎起就食晒，好彩佢地都有留返Ｄ俾我:春卷、串烧、虾饼春卷香脆、串烧香气扑鼻，加埋沙爹酱就最正！虾饼如果可以弹牙Ｄ就好，又或者系整一大块，用筷子串住炸，切片上碟海南鸡饭，鸡肉够滑，油饭够香！几欣赏依度Ｄ炒野，够味，唔油我地叫左星洲炒米、炒贵刁、干炒牛河当中最好食o既系干炒牛河!! 我下次黎一定要再食!整体黎讲，依间铺头令我地好满意，环境舒服，职员有礼貌，食物好食，卖相ｏｋ，价钱合理。未试咖喱、檬粉果ｄ，下次试埋。走o既时候，其实我地未食饱，我地要留肚再战下一站！^^
今次系第二次黎，第一次黎果阵，系去开V-CITY果头做野，见价钱ＯＫ，入去试下。坐低觉得几舒服，环境光猛干净，叫左个泰式卥猪脾饭食。
好味！Ｄ猪手炆到软身，猪皮同猪肉都好入味，送饭一流～
仲有埋老火汤，多料，真系煲出黎，有骨胶原，唔系稀流流果种。
讲返正题，今日同四个朋友去屯门影相，谂起个猪脾饭，就一齐去依间食晚饭。去到坐满人，等左一阵有得入座。今次可以试埋其他小食！
泰式凤爪，爽口弹牙，酸酸辣辣，够晒醒胃，转个头就抢晒！
一上菜即刻抢晒系列，相机都未拎起就食晒，好彩佢地都有留返Ｄ俾我:春卷、串烧、虾饼
春卷香脆、串烧香气扑鼻，加埋沙爹酱就最正！
虾饼如果可以弹牙Ｄ就好，又或者系整一大块，用筷子串住炸，切片上碟
海南鸡饭，鸡肉够滑，油饭够香！
几欣赏依度Ｄ炒野，够味，唔油我地叫左星洲炒米、炒贵刁、干炒牛河
当中最好食o既系干炒牛河!! 我下次黎一定要再食!
整体黎讲，依间铺头令我地好满意，环境舒服，职员有礼貌，食物好食，卖相ｏｋ，价钱合理。未试咖喱、檬粉果ｄ，下次试埋。
走o既时候，其实我地未食饱，我地要留肚再战下一站！^^
张贴
