翠榮雞煲火鍋

营业中

休息中

香辣鸡蟹煲$288 老板推介我地一定要试呢个香辣鸡蟹煲，我地大部分人都唔食得太辣，所以最后只系拣左微辣，对我地黎讲已经好够，因为去到后期辣度会再提升一点，但爱辣者不防尝试挑战更高层次，佢既麻辣系会令人欲罢不能的。一开始当然要食左煲里面既野食，先讲配角，酱汁非常之惹味，加上大量洋葱，大葱同几条小辣椒仔，净系闻到个香味已经令人口水激增，食落更加无懈可击。再讲讲里面既几样主角，拎到出黎其实都已经可以即刻食得，快靓正，第一样系一只大肉蟹，虽然食起上黎有D麻烦，但只蟹非常新鲜，而且肉质饱满，加上小小蟹膏既鲜甜，多D功夫都值得啦。第二样系大蚬，无十只都有八只，每只都有匙羹咁大，鲜甜中带有一点点海水既咸味，食极都唔够。第三样系鱼骨腩，其实无乜骨，大啖肉为主，肉质新鲜弹牙，出到黎已经系焖得好入味。最后一样当然仲有半只新鲜鸡啦，肉质鲜嫩可口，配合底酱惹味非常，而且每一件都系肉多过骨，绝不取巧。整体黎讲呢个煲真系无得输，又可以迎合到大家既口味，黎到一定要试。