Lockeroom Dining (朗晴坊) (已結業)

作为阿记的粉丝，今晚(22/5)有比赛，今日就梗系去食一食间有关既餐厅热下身啦！(今晚等睇比赛)因此，今日就趣趣地去左旺角朗晴坊Lockroom食饭，食完就返屋企睇波！今餐我就叫左澳洲O’Connor 草饲牛西冷蒜香意大利扁面、香煎深海石斑鱼柳拼日本北海道刺身级带子配意式蕃茄莎莎，仲叫埋咸蛋黄薯角同疏乎里蛋糕。前菜就系意大利黑醋配新鲜沙律菜，开胃之选！跟住再来番茄味道浓的汤配上浓浓蒜香的包，一食一喝，满足爆分。澳洲O’Connor 草饲牛西冷蒜香意大利扁面，肉质入口即溶，意粉充满蒜香味，食落去你会不自觉一口接一口，不知不觉间就食完整碟意粉，呢种吸引力就连打字时都回忆返出来！香煎深海石斑鱼柳拼日本北海道刺身级带子配意式蕃茄莎莎，鱼煎香的鱼油味，加上鱼柳上的配料，又香又开胃，令人一试难忘。加埋口感十足的带子，简直令人食指大动。咸蛋黄薯角，咸蛋黄味道出众，配上刚刚炸起的薯角，配埋番茄汁，开胃满哂分。疏乎里蛋糕刚刚出炉，食落去又唔会太漏，亦唔会似食紧空气咁，食落去仲有丰富蛋香，正呀。