Munch (已結業)

Munch 解作用力咀嚼，大声咀嚼，完来唔系浪得虚名，碟碟出品都精心泡制，超乎想像，好满意 ~ 最初还以为系主打法国菜添，完来只系西餐厅。环境较为光猛，可能气氛欠棒，枱櫈较大，而且密度底，坐得舒服，只系见二人枱稍逊，较迫 ~ 服务真系殷勤，食得开心 ~牛油，唔好以为咁大兜牛油呀，其实只系面头约 2 CM 到架乍，起初仲比佢呃左添。餐包，暖笠笠既餐前包，芝麻味好香加埋软棉棉既面包同牛油，好好味。蚝汤，好浓郁既蚝味，饮落啖啖都有蚝碎，好香甜美味，但如果温度可以高反啲就更好啦，个人较喜欢热腾腾、出晒烟最正。田螺酿磨菇扒，非常浓味既磨菇扒，应该系经烤焗过，口感软棉，淡淡芝士味，唔会抢去主角磨菇既鲜，刚好。田螺亦煮得够腍入味，跟整个送配合得非常好。其实食完依个头盘已饱饱地，份量真大呀。蒜香带子偏意粉，好香口好香口，蒜香扑鼻。带子煎到外层香脆、里面松软，正呀。高水平既偏意粉，炒得刚好，不油不腻，口感系八至九成熟，够咽韧弹牙，Good ﹗推介 ﹗茄汁芝士带子意大利饭，饭质好适合港人口味，唔会太生，口感仍实净可口。酸甜味适中既茄汁加埋芝士，好味道。芝士露笋意大利饭，同样口感煮得较熟，适合大众港人口味。