喜來稀肉 (已結業)

今晚我们同一个好多年无见嘅好朋友食饭，我们去咗旺角广华街嘅「喜来稀肉」食韩式烧烤！我们叫咗喜来烤肉、牛五花、牛肉眼、牛舌、牛肋骨肉、五花肉、猪颈肉、炒年糕同石锅拌饭！喜来烤肉嘅卖相超级精致吸引，因他们将几片薄身牛肉堆砌成一朵玫瑰花，真系非常有心思，而肉质就好有弹性，肉味亦好浓郁！牛五花系好薄身嘅五花肉，肉质相当软滑，虽然脂肪比较多，但唔会有好油腻嘅感觉！牛肉眼真系超大块，肉质好松软嫩滑！牛舌亦都系切得好薄身，肉质好爽口嫩滑！牛肋骨肉嘅脂肪分布非常平均，肉汁亦相当多！五花肉嘅肉质都几厚身，口感好丰富，而且充满著油香！猪颈肉嘅肉质好软滑爽口！炒年糕嘅酱汁味道相当惹味同唔会过辣，韩式鱼蛋、牛肋肉同非常烟韧弹牙嘅年糕，吸收晒惹味嘅辣酱，真系超好味呀！系本人嘅必食推介！石锅拌饭嘅材料相当丰富，饭焦亦好香脆！炉边嘅蛋，一边系泡菜，一边系芝士，泡菜就比较惹味，而芝士就比较软滑！