Poseidon Restaurant & Bar (已結業)

Poseidon系一间楼上酒吧餐厅，我觉得佢最大卖点系私密度高，因为高身卡位如果唔系企高，系完全睇唔倒隔离枱，就好似一个私人包厢咁，加上环境暗暗地，都几有情调。不过通常哩啲餐厅都会贵夹唔饱，但Poseidon嘅碟头又出奇地大份， 所以都几啱情侣黎。Poseidon嘅menu都几多野拣，前菜小食汉堡饭面主菜甜品样样都有。可乐($28) - 天气开始热，坐低叫左杯可乐先，够冰冻即刻cool down晒。芝士肉酱旋牛油果旋风薯条($88) - 薯条好大份，上面有大大pat肉酱同牛油果蓉，旋风薯条连住少少薯皮，香脆得来仲好有咬口，真系食到停唔倒口。德国猪手配酸椰菜($238) - 德国猪手好大份，绝对够两个人食。旁边除左酸椰菜仲有薯蓉。猪手唔会太咸，猪手皮仲脆脆地但又唔会太硬，味道都唔错。总结，野食唔错，份量偏大份，最钟意佢个高身卡位，除左之前提到私隐度高之外，喺而家疫情期间，感觉亦比较安心。