Hugo Le Resto Grill (已結業)

呢间系铜锣湾怡和街既楼上西餐厅 系过百老汇对出既大马路成日都会见到佢。今日就黎试下佢。可以散叫或者叫set。Set就有个汤有包有个main有餐饮，仲有个自助沙律吧！沙律吧除左有菜之外，仲有冻虾同青口，冇沙好新鲜。汤系preset左龙虾汤，可惜我对龙虾敏感，佢好好咁比我换左个蘑菇汤，超级多料！至于两个main，分别叫左美国顶级牛肩肉扒同香煎老虎大虾配黑松露忌廉饭。我钟意5成熟，呢个牛肩肉扒啱啱好，下面有菇同菜，索左啲肉汁超好味。餐厅另提供黑胡椒同pink salt调味！个Truffle Risotto分量大，浓郁既黑松露味扑鼻而来，creamy既口感，系唔黏唔烂既饭。