匠工房秀吉 (已結業)

大前星期同朋友睇 "一百万零一夜" 前谂住快快趣食个秀吉快餐, 点知等个餐等左四个字, 结果好孩子0系友人前表演左一个绝技, 就系四分钟食完一个餐, hahaha...因为食得太快, 都无机会慢慢细味个餐...呢间0系 "一田" foodcourt 既 "秀吉", 虽然隔离有唔少日本野食, 板前, Mos Burger, 纪文..., 不过长期都有人企0系度等食架! 至于好唔好食? 又睇落去? 开放式厨房比你睇哂内里操作, 好多小朋友都企定定0系度睇架! 好孩子影完两幅相交差, 就梗系兜个圈再番黎拎野食啦! haha... 睇过 d 烧饼制造过程?有六个 set 拣, 最近仲加多左三个 set (肥牛,豚肉同埋鱿鱼), 上面系 set A 既炒面拼烧饼: 个烧饼面粉好厚, 入面既无咩料食唔到太多, 主要系椰菜同面粉; 个炒面油都几多... 因为上次食完一个餐都好似无食过野, 所以今次嗌埋呢个 set F, 食完两个 set 应该差唔多饱既 , 奄列炒面加八爪鱼球: 睇下个奄列 d 蛋薄薄地, 个蛋包唔哂个底, 胜在酱汁搭够令个奄列好味 D; 四粒小丸子丸中有粒八爪鱼粒, 入面面粉太重.