叁拾咖啡室 (已結業)

食得蒸鱼抵得险，叫得蒸鲩鱼，预咗有四险：1，多细骨：唔系嚿嚿都系鱼腩，鱼心鱼尾必然多细骨；2，唔新鲜：餐厅货，通常都系预先买定㓥好，第二日拎出嚟蒸，好难同自己去街市买即㓥咁新鲜相比；3，清洁唔够干净：有机会洗唔干净，仍残留部份鱼鳞起鱼皮度，或者鱼肚洗唔干净，会比较腥；4，无倒鱼水，直接加豉油上台：唔倒鱼水后果系成碟鱼会好腥今日见到隔离及同台唔相识嘅人都叫鱼，又听到员工话蒸鱼剩4，咁就毫不考虑就叫鱼，结果就危险，上述4险中咗头三险，鱼唔够鲜，所以鱼肉唔甜唔弹，加上系鱼心，比较多骨，而且鱼鳞清理唔彻底，要𦧲骨之余又要𦧲鱼鳞，完全唔掂。连杯奶都冇嚟味道，真系伏。呢餐好嘅只有一样嘢：啲饭软硬适中，除此以外冇样好，下次会去其他餐厅揾食，呢间应该唔会再嚟住。