食包 (已結業)

阿女去太子试堂，接佢放学时见到呢间Winner Burger，望吓价钱又唔贵，一于就喺呢度医肚。呢度以外卖为主，而入面亦有两张简单嘅餐枱可以堂食。我哋劲肚饿，所以买两个Combo Set之余再加两份小食。WB经典汉堡其实一啲都唔经典，入面除咗有最传统嘅汉堡扒、芝士、蕃茄、生菜，仲有煎蛋。汉堡扒厚身又多汁，再加埋半熟嘅煎蛋流出蛋浆，味道充满惊喜。芝士菠萝鸡堡入面亦配有芝士同生菜。鸡扒劲厚切，菠萝就超Juicy。炸鱼宝总共有3件，鱼柳好滑又唔会太干。原味鸡翼就有两只，外面嘅脆浆好薄，保持鸡翼本身口感，味道亦唔错。青山炸鸡外面脆卜卜，入面嘅鸡肉仲鲜嫩有肉汁，而且炸得够干身。薯格卜卜脆，而且份量都唔少。埋单唔驶$200，呢餐真心抵食。