影片
更多
2008-10-09
52 浏览
知道有呢间餐厅好耐嘞，但因为路途遥远一直拖拉至今先嚟试，从中环坐的士，连的士司机都知道有只牛𠮶间！睇嚟佢真系几出名㖞！落车直入，八点几啦，竟然冇咩人，成日话会喺餐厅出现嘅汁王森美当然亦唔系度，净系睇摆设，好难想像佢系一间出名嘅餐厅...除咗真系好怀旧之外！近门口放咗架唔开嘅旧式电视，侧边又放咗好多神像之类，有啲乱！入面另外有一架电视开住嘅仲播紧无线啲剧，边有怀旧餐厅睇电视食扒餐架？似街坊茶记多啲㖞！既来之，则安之，姑且试吓啲嘢食先！我哋叫咗两个黑椒西冷扒餐加田螺： 罗宋汤：唔会「哗」一声，可以杰身啲就好嘞，好浓菜味，捞到有牛肉丝，味道都仲可以，跟汤嘅多士够热，唔错！ 薯蓉焗田螺：啲 escargo 普通货色，普通味道，无特别，薯蓉还可以，不过焗嘅都好难失手嘞，一定唔会太差！ 西冷牛扒：我哋两个都要五成熟，出嚟好似熟咗啲，不过照食。肉质都几弹，有牛味，亦有肉汁流出嚟，黑椒汁唔够多，食到中途已经冇晒汁点嘞。配菜有薯角，蕃茄同切片节瓜，最好系薯角，又热又脆；蕃茄亦有煎过，算有诚意；节瓜都唔太熟，整体上，主菜系好味嘅！ 香蕉蛋糕：甜品用香蕉蛋糕有啲特别，不过唔知点解个外型搞到好求其咁！味道唔会
知道有呢间餐厅好耐嘞，但因为路途遥远一直拖拉至今先嚟试，从中环坐的士，连的士司机都知道有只牛𠮶间！睇嚟佢真系几出名㖞！
落车直入，八点几啦，竟然冇咩人，成日话会喺餐厅出现嘅汁王森美当然亦唔系度，净系睇摆设，好难想像佢系一间出名嘅餐厅...除咗真系好怀旧之外！近门口放咗架唔开嘅旧式电视，侧边又放咗好多神像之类，有啲乱！入面另外有一架电视开住嘅仲播紧无线啲剧，边有怀旧餐厅睇电视食扒餐架？似街坊茶记多啲㖞！
既来之，则安之，姑且试吓啲嘢食先！我哋叫咗两个黑椒西冷扒餐加田螺：
罗宋汤：唔会「哗」一声，可以杰身啲就好嘞，好浓菜味，捞到有牛肉丝，味道都仲可以，跟汤嘅多士够热，唔错！
薯蓉焗田螺：啲 escargo 普通货色，普通味道，无特别，薯蓉还可以，不过焗嘅都好难失手嘞，一定唔会太差！
西冷牛扒：我哋两个都要五成熟，出嚟好似熟咗啲，不过照食。肉质都几弹，有牛味，亦有肉汁流出嚟，黑椒汁唔够多，食到中途已经冇晒汁点嘞。配菜有薯角，蕃茄同切片节瓜，最好系薯角，又热又脆；蕃茄亦有煎过，算有诚意；节瓜都唔太熟，整体上，主菜系好味嘅！
香蕉蛋糕：甜品用香蕉蛋糕有啲特别，不过唔知点解个外型搞到好求其咁！味道唔会太甜，咬落都几软熟！
柠檬茶&咖啡：老公话咖啡几好饮！
森美真系好旧喇，系时候谂谂计搞吓，唔系呢啲怀旧餐厅一过咗呢个怀旧朝流就好难挨落去，靠熟客都唔系办法！唔会再特登去喇，因为太远而且讲真唔系好特别，荃湾有间都好似咁嘅扒房，味道亦唔错添！
张贴
