蓮香樓 (已易手) 新餐厅

已經唔係第一次去蓮香樓, 雖然價錢唔係平, 但佢嘅環境同食物都充滿住童年回憶, 令人回想起昔日茶樓嘅一點一滴 🙂茶樓入面夠晒懷舊, 天花裝左好多部吊風扇, 牆上掛住多幅字畫同餐牌, 餐牌嘅價錢仲係用中國花碼數字標示｡ 每逢點心阿姐推住個點心車出黎, 客人都即刻蜂擁而上, 睇下有咩點心可以搶下｡ Lunch Hour 搵位一 D 都唔易, 差不多每張檯都有人等緊, 所以起碼要花成 30 - 45 分鐘先可以成功等到位｡ 有位之後, 沖茶叔叔會問你用茶壺定茶杯沖茶｡ 由於花左好多時間搵位, 所以今次匆匆忙忙食左 4 款點心 (豉汁蒸魚雲、山竹牛肉、干蒸燒賣、淮山滑雞扎) 之後就走左｡