麵屋一平安 (已結業)

再战铜锣湾区嘅拉面，贪呢度够方便，又唔洗等位。一个人食，店员安排咗吧枱位置。呢度装修富日式风格，亦设有卡位，适合同朋友聚会。望望menu，再睇睇店内嘅食客，其实大部分人都系帮衬料理食品，虽然店名为面屋一平安，其实拉面选择并唔多。每人会有一碟前菜，收费$10。辣猪骨拉面制作需时，期间睇到其他烹调好嘅食品，卖相都好似唔错。终于等到拉面上枱，即时闻到好浓嘅蒜味（但我真系好怕蒜味）。有两块叉烧，味道一般，我较喜欢稍为烧过嘅叉烧，会更香口。其他配料并唔多，只有少许葱、紫菜。面上有特制辣酱，但只有少许辣度。汤浓而稠；面条软硬适中，沾上汤吃也不错。食食吓店员话有得抽奖，食品可即时或日后先redeem。抽到炸鸡，谂住份量唔太多，所以即日食埋。都等咗几耐，不过炸鸡系full portion，有8件，哗，真系抵哂。大大件，亦炸得皮脆肉嫩，够惹味！可惜一个人食实在太多，食唔哂。埋单计埋加一$80几蚊，都算ok。