札幌拉麵 Miso No.1 x 辛味屋 (已結業)

今晚嚟到将军澳札幌拉面晚餐，其实都好耐无食过拉面啦，听闻呢间新开，所以就入来食一食。小弟点左二人餐，其中一个系海鲜拉面，份量都算多，面底偏腍，无枧水味，其中海鲜有鱿鱼，虾等，整体都几好食。友人点左碗鳗鱼饭，鳗鱼非常香，不过就腍左少少，几中意个鳗鱼饭酱，捞饭每啖都好惹味。点左个饺子，一碟份量都好多，饺子皮薄，入面馅都好足料。另外，南瓜炸薯饼外脆内软，咬落好脆口，亦唔会好油腻，唔错。第三款小食点左烧鸡翼及鸡软骨。鸡翼系用盐烧，但唔会太咸，不过肉就易黐骨，一串有三只，都几扺。而鸡软骨唔错，不过就缺乏左弹牙嚼劲，皆因腍身，不过整体都几好食，下次嚟可以再嚟。