Petit Deli (已結業)

今日响尖沙咀做完嘢, 攰攰地想揾个静d o既地方食晚餐, 行下行下见到呢间PETIT DELI好似好好情调咁, 就入咗去试...先叫咗杯特饮, 叫"薄荷滑冰", 系好似沙冰之类, 酸酸地, 凉凉地, 好醒胃, 问咗餐厅d人, 佢地话用青柠汁+柠檬汁+小小薄菏酒整成的, 但真系唔系好觉有酒味, 跟住就叫咗个"芒果蟹肉牛油果他他"做头盘, 因为中意食牛油果, 所以叫呢个, 味道好好...好滑, 牛油果同蟹肉都好夹, 配d 芒果..带小小酸味..正, 仲有, 佢d配菜都有用橄榄油捞过的, 菜亦新鲜, 真系唔可以浪费, 之后叫咗个法式烤猪扒, 一嚟...wow...好厚的一大旧呢..猪扒o既猪味劲浓厚, 唔知系咪进口猪, 真系好香, 烤得啱啱好, 好juicy, 点埋个芥茉酱...一流, 配菜中有一个很特别, 系红菜头薯蓉, 更觉健康, , 最后叫咗个鲜果奶冻, 鲜果系用野莓蓉配搭的, 很搭, 奶冻味道很好, 但可能雪得唔够时间, 质感稍逊, 若可以雪得耐d, 应该会更好.  呢间餐厅, 真系可以推介比朋友, 下次再嚟过.