影片
更多
2014-05-25
2618 浏览
之前喺度买过个朱古力挞之后就对 ABC饼屋念念不忘，今日去开上环，都专登行番去中环揾呢间老饼铺><上次去已经喺朱古力挞同枣蓉合桃挞之间挣扎咗好耐，但系因为𠮶朝喺莲香楼买咗个枣泥棋子饼，所以都系食咗朱古力挞。其实今次都一样有挣扎，但最后都拣咗枣蓉合桃挞。讲咗 朱古力挞($4.5)先啦，其实佢个挞嘅filling系 brownies, 好甜不过好好味。至于 枣蓉合桃挞($6.5)，就系有极少量合桃(~半粒)捞埋喺啲枣泥入面(好似系南枣), 上面仲有啲crumble 。呢个挞一样好甜，不过钟意食枣嘅人应该会钟意嘅。而且佢个挞皮有少少腍，我已经焗番热嚟食都系唔脆。我都知枣同合桃都唔平，不过佢卖$6.5又真系贵咗啲。唔好俾幅相误导以为个挞好大个，其实佢仲细过啲迷你鲜果挞。相比起朱古力挞，今次呢个挞就令我有少少失望。不过我对呢啲老饼始终有种情意结，如果下次有机会经过嘅话我应该都会去试吓个枣蓉合桃蛋糕嘅
上次去已经喺朱古力挞同枣蓉合桃挞之间挣扎咗好耐，但系因为𠮶朝喺莲香楼买咗个枣泥棋子饼，所以都系食咗朱古力挞。其实今次都一样有挣扎，但最后都拣咗枣蓉合桃挞。
讲咗 朱古力挞($4.5)先啦，其实佢个挞嘅filling系 brownies, 好甜不过好好味。
至于 枣蓉合桃挞($6.5)，就系有极少量合桃(~半粒)捞埋喺啲枣泥入面(好似系南枣), 上面仲有啲crumble 。呢个挞一样好甜，不过钟意食枣嘅人应该会钟意嘅。而且佢个挞皮有少少腍，我已经焗番热嚟食都系唔脆。
我都知枣同合桃都唔平，不过佢卖$6.5又真系贵咗啲。唔好俾幅相误导以为个挞好大个，其实佢仲细过啲迷你鲜果挞。相比起朱古力挞，今次呢个挞就令我有少少失望。不过我对呢啲老饼始终有种情意结，如果下次有机会经过嘅话我应该都会去试吓个枣蓉合桃蛋糕嘅
张贴
