好運道拉麵小菜館

营业中

休息中

手抓羊肉🐑我一睇就知道系羊肉排，肉质唔会系硬实/韧，系软腍得嚟有口感，而且唔会好似食汤渣咁。呢个酱汁睇落同水饺𠮶个好似一样，但系我觉得呢个比较辣 dd，但系都唔会系好辣𠮶种。我觉得个孜然粉同埋辣粉 十分正，又系好辣𠮶种。整体味道 系 good！牛肉水饺🥟（12只）水饺十分 有肉汁，嚿牛肉口感唔会死实，个皮 不厚身，size 入口刚刚好。仲有𠮶个酱汁简直系锦上添花，系酸酸地，只少少辣，我唔食得辣都觉得正。鲜肉包（3只）有鲜肉味，皮亦都唔会厚身，天气凉凉地，食热辣辣嘅包，唔错。热豆浆（走甜）加配走甜，但觉得都有少少甜味，anyway，正常豆浆味。餐牌仲有其他 套饭，＄50几蚊，送例汤，我见到隔离枱嘅例汤几正，见到有红萝卜同埋其他食材。今日系平日夜晚，仲要系 late dinner，只剩返两张枱，都系因为食物质素高，女职员又友善，又有礼貌。