影片
更多
2021-10-18
1067 浏览
朋友生日饭话想食粥底火锅，佢推荐呢间火锅极之好味，而且好多人追捧，所以想食嘅话一定要事前订枱~于是我早半个月前就已经电话book枱，拣左最方便大家嘅长沙湾分店。我地一行五人，book左8-10pm果round，7:55pm去到门口已经见到人满为患，当我以为门口嘅人系walk in嘅时候，我走上前同侍应讲我地系book左枱嘅，点知佢请我稍等，会逐一嗌number入去咁，我先知道原来门口嘅人都系book左枱，连book左枱嘅客人都要逐一轮候，足见餐厅之受欢迎程度！每位客人都必须使用安心出行，我地一行五人扫左码之后获安排坐一张大卡位，唔使隔板。四人限聚下，五人一枱而毋需隔板嘅情况真系久违！食物方面，种类比起一般火锅店嚟讲唔算好多，但胜在用料够新鲜；我地每人嗌左一款海鲜(沙白、鲍鱼、蚬、蛏子同埋肉蟹)，按住餐厅嘅建议逐一放海鲜，佢仲设有一个计时器，俾我地计住落左几耐，一够钟就即刻捞上嚟食，非常鲜甜！食完海鲜之后就到普通火锅材料，有肉丸、蟹柳、小笼包等等，虽然野食唔系任嗌，但佢个份量都系按人头计，所以一定够食！(特别大食者另计lol)终于到最后嘅重头戏 - 火锅粥底，有一位师傅见我地食得七七八八
我地一行五人，book左8-10pm果round，7:55pm去到门口已经见到人满为患，当我以为门口嘅人系walk in嘅时候，我走上前同侍应讲我地系book左枱嘅，点知佢请我稍等，会逐一嗌number入去咁，我先知道原来门口嘅人都系book左枱，连book左枱嘅客人都要逐一轮候，足见餐厅之受欢迎程度！
每位客人都必须使用安心出行，我地一行五人扫左码之后获安排坐一张大卡位，唔使隔板。四人限聚下，五人一枱而毋需隔板嘅情况真系久违！
食物方面，种类比起一般火锅店嚟讲唔算好多，但胜在用料够新鲜；我地每人嗌左一款海鲜(沙白、鲍鱼、蚬、蛏子同埋肉蟹)，按住餐厅嘅建议逐一放海鲜，佢仲设有一个计时器，俾我地计住落左几耐，一够钟就即刻捞上嚟食，非常鲜甜！
食完海鲜之后就到普通火锅材料，有肉丸、蟹柳、小笼包等等，虽然野食唔系任嗌，但佢个份量都系按人头计，所以一定够食！(特别大食者另计lol)
终于到最后嘅重头戏 - 火锅粥底，有一位师傅见我地食得七七八八，就同我地讲可以上粥底的了，将火锅汤底嘅精华融入白饭，最后成为一碗碗绵滑美味嘅粥！除左充满各样火锅配料嘅汤底之余，师傅仲帮我地加左唔少平时食粥常有嘅配料，好似系生葱、生姜同猪油渣等等，所以今餐除左火锅之外，我地仲食到粥，真系一餐两味呀！价钱方面，都只系$200(唔使加一)，但就唔包野饮，要饮野的话就要另外加钱。
最后讲下店内环境，店内空间颇大，人客爆满；不过因为人客太多嘅关系，相对嚟讲都会嘈吵一啲，有旧阵时大排档嘅风味~钟意呢种感觉嘅朋友不妨一试！
张贴
