大山日本料理

营业中

休息中

旺角楼上大山日本料理，平时嚟旺角经常经过呢条街，都留意唔到楼上有间日本料理，好彩经朋友介绍先知道。呢间餐厅食物种类非常多。牛肉寿喜烧锅，价钱几十蚊，用嘅牛当然系比较普通质素嘅牛，整体偏甜。铁板牛油带子，每粒带子都相当厚肉大粒，调味偏咸。原条鳗鱼寿司，食鳗鱼最钟意上面嘅酱汁，佢呢间比得毫不吝啬，可能真系要配返碗饭先得🤣炸蟹钳，里面当然就系放蟹柳啦。带子寿司、甜虾寿司、蟹棒寿司，样样都系正常水准，几好食😋枝豆，食咗咁多淀粉质同肉类，都冇点吸收纤维，所以特登叫份枝豆。炸三文鱼鳍，咁多道菜里面最钟意呢道，经过油炸后，鱼油香完全喺口腔里面爆发，好好味呀！杂锦天妇罗梅酒梳打，大大杯两个人饮一杯啱啱好。