狂野麻神麻辣火鍋 (已結業)

系尖沙咀咀食晏，见天气阴阴凉凉想打个边炉，就上左去I square对面既麻神试下，以lunch一人一锅黎讲的确好抵，一行两人叫左两个锅，药饍鸡煲同埋麻辣火锅。药饍鸡煲可以拣埋个面底，我就拣左乌冬，药饍鸡煲汤头清甜，真系有一重养生既感觉，鸡、云耳、准山等等，好足料，鸡非常入味，配埋乌冬面真系一绝。而另一个火锅就可以拣唔同既汤底，我地拣左港式麻辣，另外配料拣左牛鸡猪肉同埋薯粉，麻辣锅同样出色，如果可以再辣啲应该会更好味，火锅料新鲜而且足料，另外重有菜，连埋薯粉一齐食真系好好味。饮品方面都有十几款选择，我地拣左水果蜜桃茶，同埋洛神花茶，水果蜜桃茶系既有既蜜桃茶加入西瓜，火龙果等，饮完就去除左打边炉果种肥腻既感觉。