蘭桂坊車仔麵 (已結業)

食晏谂到头爆都唔知食咩好，同事话可以试下兰桂坊开左间四正车仔面，有多款正斗小食，咁就事不宜迟去试下啦！Lunch time 人头涌涌，坐无虚席。我地分别叫左6个净𩠌$74，卖相靓仔。沙嗲汁惹味得黎又唔辣，啱我口味。老友碗清汤就淡淡然咁，各有所好啦各款车仔𩠌嘅味道水准甚佳！推介鱼腐、猪颈肉、牛丸同卤水大肠👍🏻而我地亦好放肆咁两个人叫左三个小食，见到个小食餐牌真系好争扎，因为样样炸野都好想食。最终放弃左椒盐烧卖，而拣左软壳蟹、鸡软骨同炸鱼皮。鱼皮够薄脆，送车仔面一流。至于软壳蟹同鸡软骨都系新鲜即炸大量炸蒜盖面，惹味香口，廿几三十蚊就食到高质小食，劲满足！