湯直送 (已結業)

今日跟朋友推介，黎呢间“汤直送”食晏，顺便补补汤水。餐枱好干净，有纸巾同消毒液畀大家用。午市餐牌有成18款炖汤选择，每款58-68蚊，然后加10-33蚊可以加配一款饭﹐饭頪都有成12款选择。等左10分钟，4盅汤上齐，影个大合照先。1. 南北杏蜜枣菜干炖猪肺个汤好清甜，用料充足，猪肺爽口。2. 凉瓜黄豆炖唐排饮落有淡淡嘅凉瓜苦，除此都比较水，有好多排骨。3. 棷皇炖去皮鸡贵少少果然系比较好味，个汤比较浓，有椰子味得黎再带少少花胶味；鸡肉就少左d，不过都松散易入口。4. 冬瓜薏米瑶柱炖唐排个汤又系好清甜，好排骨，肉够松软，冬瓜多水。5. 迷你咖哩牛腩饭迷你饭个碟比一个手掌大少少，咖喱味香，唔算辣，薯仔同牛腩都炆得好淋。6. 迷你黑椒鸡扒饭黑椒汁味道浓，鸡扒煎得啱啱好，好嫩滑，食到舔舔脷。埋单每人68-78蚊，讲真唔太抵食，但间唔中帮衬下、饮下汤系一个几好嘅选择。