Olive Cafe (新領域廣場) (已結業)

今日朋友约左我去荃湾食晚饭，佢拣左呢间cafe。我哋嗌左美国IBP 牛隔肌 200g，趁佢仲有少少红生生地食最perfect，唔会”韧”，可以加少少盐同黑椒更美味。另一个嗌左olive 无骨鸡腿扒 200g，有少许肥美，肉质都嫩滑，前提系唔可以系块板咁耐，好多汁几juicy。以上套餐都可以无限量供应沙律、白饭同餐汤，白饭仲要系珍珠米。另外仲嗌左个小食 日本唐扬鱿鱼须，新鲜香脆，好有口感。个侍应同我地讲Cocktail、白酒红酒同draft bear happy hour买一送一，再问佢原来一至日5半后都系，觉得好抵所以都叫两杯cocktail 试试佢。Margarita 口感丰富偏重酒味，带有新鲜的水果香气和特殊的龙舌兰酒香气，有柠檬同盐味，酸甜可口。Long Island iced tea 添加波本威士忌、再加白兰地等等，唔算好难入口，味道微辣。成个环境感觉都唔错，无加一服务费，有好多调味料可以自己出去攞，好适合同朋友聚会，小酌一杯。