影片
更多
2021-07-27
404 浏览
八月生日饭聚，又系朋友又系我长辈，唔知唔觉已经识咗啦10几年，由同事变朋友而家真系好难。呢间唔系我提议，因为好耐之前食过冇乜特别，不过既然有人建议就去食下啦。其实都有几间分店㗎，不过其他长辈都住喺港岛区，所以我放工由九龙湾搭车出去。本身系想去香港仔食海鲜架，可惜咁啱冇开门。今次order嘅时候，反而有啲小插曲，本身每次都交俾其中一个长辈发板，因为佢最识食，不过今晚我反而有啲个人喜好，噏左几样佢都冇叫，其实我系有啲失望㗎不过又唔可以表露出嚟😮💨终于按佢嘅旨意叫咗菠萝炒饭、炒通菜同小食拼盘！本身我系想叫炒金边粉同炸春卷。其实食晒之后我真系想加个炒金边粉㗎，但系佢哋个个都好似唔系好想食咁，搞到就住就住，最后嘅甜品时间都系我极力坚持先有得食咋。我嘅心水系芒果糯米饭，另外加多一个原味waffle. 我自私饮叫咗一杯Coconut juice ! (仲俾个长辈讲笑话我嘥钱添！）😰因为佢哋个个都唔饮嘢。嘢食方面我反而几钟意个菠萝炒饭，佢唔系用菠萝🍍做器皿上碟，不过个饭炒得几好（可能我本身钟意食炒饭啦）炒通菜就好一般啦，又可能始终唔系镬气小炒啦。个小食拼盘反而最唔好食系个单骨鸡翼-仲话出名🤪其他鱿鱼
呢间唔系我提议，因为好耐之前食过冇乜特别，不过既然有人建议就去食下啦。其实都有几间分店㗎，不过其他长辈都住喺港岛区，所以我放工由九龙湾搭车出去。
本身系想去香港仔食海鲜架，可惜咁啱冇开门。
今次order嘅时候，反而有啲小插曲，本身每次都交俾其中一个长辈发板，因为佢最识食，不过今晚我反而有啲个人喜好，噏左几样佢都冇叫，其实我系有啲失望㗎不过又唔可以表露出嚟😮💨终于按佢嘅旨意叫咗菠萝炒饭、炒通菜同小食拼盘！本身我系想叫炒金边粉同炸春卷。
其实食晒之后我真系想加个炒金边粉㗎，但系佢哋个个都好似唔系好想食咁，搞到就住就住，最后嘅甜品时间都系我极力坚持先有得食咋。我嘅心水系芒果糯米饭，另外加多一个原味waffle.
我自私饮叫咗一杯Coconut juice ! (仲俾个长辈讲笑话我嘥钱添！）😰因为佢哋个个都唔饮嘢。
嘢食方面我反而几钟意个菠萝炒饭，佢唔系用菠萝🍍做器皿上碟，不过个饭炒得几好（可能我本身钟意食炒饭啦）
炒通菜就好一般啦，又可能始终唔系镬气小炒啦。个小食拼盘反而最唔好食系个单骨鸡翼-仲话出名🤪其他鱿鱼圈啊、墨鱼丸呀、炸鱼饼呀、串烧等等都系一般啦。
芒果糯米饭又令我谂翻起响泰国食𠮶啲超级好味😋可能而家芒果又唔系时候啦！另外个原味窝夫我就觉得一般啦，反而街边𠮶啲格仔饼仲好食😜不过啲长辈又话几好㖞🤭
讲真我都唔知自己系咪近排啲味觉有啲问题？食咩都觉得唔好味咁😭所以以上嘅评价大家自己衡量下啦
小食拼盘
15 浏览
0 赞好
0 留言
张贴
