夢の丼 (已結業)

右口鱼边寿司($48/件)，右口鱼选用左最靓既部位，因为有入口即溶感觉，就好似东坡肉既果层肥膏一样入口溶化，不过鱼生当然唔似东坡肉咁肥腻。慢煮鲍鱼配肝酱($68)，鲍鱼肉质结实，而且亦带有弹牙口感，味道方面肝酱既咸味衬托住清淡既鲍鱼，两者味道好夹。牡丹虾($68/只) / 矶烧北海道珍宝帆立贝($68) / 金线鲷刺身($68)，牡丹虾鲜味十足，越有黏牙感觉代表越新鲜，帆立贝烧至表面半焦状态，外层薄薄一层焦香，内里肉质软“林”，用紫菜包住食增加脆口，金线鲷切得够薄，一口一片，鲜味充斥在口腔内。花锦鱼生丼($188)，采用左十三款材料，切成丝状和条状合成既一碗丼饭，材料确实好多，绝对系诚意之作，每一口都食到唔同既食材，仲有蛋黄汁用黎拌饭一流。梦之丼($298)，虽然只有7款材料，但系选用左较贵既食材气派十足，刺身帆立贝好鲜甜，滑溜溜而且好大粒，海胆入口充斥住口腔，加上冇苦涩味，同样有即溶既右口鱼和黏牙既牡丹虾，同埋已经去除左壳既松叶蟹丝。