留座 (已結業)

不知不觉成为左小店既熟客，虽然当初系被老板开店既理念吸引而专程黎试，但老实讲唔系因为小店既糖水真系好食就唔可能一直帮衬其实本人好少食糖水，加上出面好多糖水都好甜（就算买手摇饮品嗌少甜我都觉得偏甜）。小店既糖水对我黎讲就系岩岩好尝到少少甜味既程度，而今次就嗌咗芒果西米露。芒果肉一啲都唔逊色，有芒果甜香、唔酸亦冇渣，而且仲有一啲芒果冰沙，加埋西米一齐食口感几丰富。另外今次老板推介试试佢地亲手制作既清心丸，本人留意到入面有桂花，咬落去偏向烟韧，有啖啖桂花味而唔甜。而且老板标榜冇加任何化学材料制作，可以食得安心。而我个人觉得稍微不足既系椰奶味唔系好够，以及糖水如果再冻些少就更好。但整体而言都几满意，而且睇住老板整每一份糖水都好有心机。最后建议小店将来可以引入更多芒果种类，例如台湾爱文芒甚至系黑香芒果。