阿爺八鮮鍋 (已結業)

今晚book定枱同家人到阿爷八鲜锅试下，家人钟意食海鲜，充满期待。准时7点到达餐厅，职员安排我地坐位于入口的枱，位置虽然唔系太好，但好处系容易揾职员，同埋有需要时自己可以攞餐牌 (呢点稍后解释)。任食火锅 (除咗某些食物) 为时2.5小时，45分钟前截order。我地拣咗海鲜及麻辣汤底，开始时先送上鸡煲，可以拣两款味道。鸡煲够入味，可以再添。食完鸡煲就可以正式火锅，需要向职员攞餐牌，每次可以叫6款食材 (所以坐近门口都有好处)。海鲜如鲍鱼，蛏子王，海花甲等都好新鲜，而蟹及虾亦唔错。除海鲜外，新鲜滑牛肉一定要试！其他几款的饺子其实都好味，推介可以试下。尚有丸类及菜的选择，虽然整体的食材好似比其他任食火锅少啲，但我会认为贵精不贵多。职员的服务效率都算高，会尽力帮忙。