初心

营业中

休息中

喺屋企附近新开嘅呢间鸡煲火锅一条龙餐厅，海鲜同埋肉类都有，算系将军澳区唯一一间满足到我咁多个愿望嘅餐厅。价钱上亦都十分合理，好抵食！三文鱼新鲜够厚，唔会差得过寿司店𠮶啲好多。几款前菜入面以松露虾多士同椒盐三文鱼头腩最出色，香口酥脆。鸡煲配料十分丰富，枝竹猪皮煮得好入味，鸡肉嫩滑，好足料。海鲜拼盘嘅份量惊入，鲍鱼有半只手掌咁大。广岛生蚝同海𠯟鲜味十足。汤底酸甜醒胃，由蕃茄同香甜粟米煮成。安格斯牛小排雪花纹平均，油脂香同牛味并重。最惊艳嘅反而系佢嘅手打牛丸，弹牙多汁。