漁一海鮮火鍋料理 (已搬遷) 新店位置

今日同屋企人黎渔一打边炉，环境都几舒适，座位之间宽敞，有足够嘅私人空间。大力推荐渔一花甲皇蟹锅👍🏻虽然餐厅当日冇晒花甲提供，但因为我屋企人非常钟意食蟹，最后店员亦都好好，用虾取代花甲比我地。先讲汤底，汤底系带点辛辣嘅番茄汤，同海鲜非常契合，更加能够突出海鲜既鲜味。蟹嘅份量十足，啖啖肉，三至四人食都冇问题！味道亦好新鲜！满满嘅蟹膏，依附系鲜甜既蟹肉上。不得不提既一定系呢度嘅四宝丸！超有特色！墨鱼丸爽口弹牙，包住香浓芝士。猪肉丸入面包住充满酒香既馅料。虾丸包住流心芝士，最like呢一款！