炭火地雞 (已結業)

今餐真系好正💓我地好钟意食烧鸟，炭火地鸡系少有用料靓嘅餐厅。佢地特别使用本地出产嘉美鸡，而所有串烧都系喺备长炭上即烧。每款都好吸引，份量亦啱啱好，唔会太多太少。今晚嘅亮点一定系全部鸡串！免治鸡肉棒松软、鸡味浓郁，淋上自家制照烧酱汁，再配上混合左酱汁嘅日本蛋黄，好好味。另一款美味嘅菜式系提灯，呢个少有部位系鸡嘅输卵管加未受精蛋，涂上特制酱汁，烤得啱啱好。和牛鸡内卵亦好特别，餐厅有唔少喺香港少见串烧拣🫶服务方面亦好出色，由踏入店家到埋单店员都好有礼貌同高效率。好适合钟意放工后去放松chill下嘅大家🫶