華欣泰國菜館 (已結業)

新开泰国餐厅。平日午市成日都冇位。难得weekend有位就去试下。餐厅午餐选择都算多。午市同下午茶menu一样。差别就系下午茶会平几蚊。叫左湿炒牛肉河。+$6餐饮转左泰式奶茶。碟野上枱都几靓仔。一食就发现镬气唔够。河粉系用河粉皮。比较大片。但系啲河粉炒完都系痴埋哂。仲要粉皮本身偏厚。口感同味道都麻麻。最后自己逐片摵番开沾汁食。牛肉片白到好似猪肉咁。味道唔新鲜。口感亦都鞋。入面啲菇亦都食到少少酸味。唔合格。泰式奶茶睇啲色唔系好橙。饮落味道亦都唔够浓厚。同枱朋友食咖哩。味道反而几好。几香。附近嘅泰国菜馆都冇佢咁多选择。如果下次再黎。相信会食咖哩或者试下佢个船河。