泰閣

营业中

休息中

服務不錯，可惜當晚點餐食材，特別係海鮮，全部都唔新鮮。1.冬陰功隻蝦d肉梅到食左一啖就無食，個湯嘅味道不過不失，如果中意辣嘅朋友會失望。2. 青芒果沙律，好甜! 仲帶點腥味，完全無酸味，更無辣味。配菜中連最常見嘅洋蔥都無，失望...3. 串燒，叫左鷄，牛，豬各兩串。鷄肉算合格，豬肉同牛肉口感極柴，特別係豬肉，同平時煲湯用嘅特瘦豬肉無分別，橡筋咁4.全晚最失望係個南瓜紅咖哩海鮮。全兜海鮮無一舊係新鮮，蝦，魚，尤魚，青口全部肉都梅嘅。個咖哩呢？一d咖哩味都無應該唔會再光顧啦。如果想生意好，個廚師真係要好好檢討下。