東喜茶 (已結業)

荃湾路德围系出名嘅米线集中地，但呢一年嚟台式饮品店愈开愈多，由最初珍珠奶茶到依家好HIT嘅水果茶，加加埋埋有成6、7间，每次经过都聚集一大班等拎嘢饮嘅人喺门面，非常墟陷。呢类饮品店通常门面细细，够放收银机+交收饮品就够，但唯独呢间东喜茶舖位极大，引起我注意。望望MEAU价钱属中上，水果茶都要成$35一杯或以上，不过刚好见APPS有折扣就不妨一试啦。霸气橙子 原价$35折扣后$28刚好食饱就费事试芝士类啦，叫咗杯霸气橙子试试，无人排队+即叫即整用上近5分钟，不过饮品一到手就有两大惊叹点1.     杯用料相当厚实，唔系一般珍珠奶茶嘅胶杯纸杯大力少少都变型，盖面订制啪盖款，饮唔晒可以关上，非常贴心2.     水果用量惊人﹗目测数到成6, 7块大片厚切橙，无晒头尾部分应该要两个橙先整到，不惜工本呀﹗味道方面唔会太甜，橙味清香饮晒成杯都唔会起痰，味道属中上，但，好似唔多贴题霸气不足，如果改过个名应该会好啲。