影片
更多
2015-02-24
7645 浏览
天气冻最好就系约三五知已打边炉啦。食肆地方一眼见晒，唔算好大，不过每张枱之间唔会好迫，亦有架位。如果四个朋友，最好订枱时要求留架位，会坐得舒服D。一打开MENU就发现有好多汤底选择，任何汤底都可以拼成鸳鸯锅。我拣咗椰子鸡拼冬荫功。未渌食物前先试试汤底。椰子鸡汤底系奶白色，味道就好似饮紧椰奶，就咁饮唔系好得，但渌咗食物后又OK㖞，同埋有成半只鸡做料。而冬荫功汤底𠮶边，够辣够鲜，海鲜又足料，不论饮同渌食物都好得，推介打边炉，点可以唔叫牛，食得出唔系平既牛肉，有牛味，有嚼口。日式蔬菜盆，排得好靓呀西洋菜，啱季节，够新鲜够嫩，同埋清洗得干净。竹笙劲爽口，最值得赞系泡菜饺，馅料够，皮够滑，渌完后仍然食得到辣辣既泡菜味，因为好味再ENCORE多一碟。好耐无食过好食既响铃，难得呢度做得到食咗咁多样最唔掂最揾笨系呢个养生盘 (花胶拼猪脚筋)，花胶无问题，但猪脚筋完全唔系𠮶回事，渌完个形状同花胶差不多，感觉已经唔系好对路，由于屋企好多时都会煮呢种食材，呢度既猪脚根完全无种黏性同软，所以我忍唔住问个职员究竟呢个系乜嘢既筋，个职员坚持话系猪脚根系咁架㖞，虽然我𠮶下真系有一刻想爆，不过我唔想打扰同朋友既欢乐时
一打开MENU就发现有好多汤底选择，任何汤底都可以拼成鸳鸯锅。我拣咗椰子鸡拼冬荫功。未渌食物前先试试汤底。椰子鸡汤底系奶白色，味道就好似饮紧椰奶，就咁饮唔系好得，但渌咗食物后又OK㖞，同埋有成半只鸡做料。而冬荫功汤底𠮶边，够辣够鲜，海鲜又足料，不论饮同渌食物都好得，推介
打边炉，点可以唔叫牛，食得出唔系平既牛肉，有牛味，有嚼口。
日式蔬菜盆，排得好靓呀
西洋菜，啱季节，够新鲜够嫩，同埋清洗得干净。
竹笙劲爽口，最值得赞系泡菜饺，馅料够，皮够滑，渌完后仍然食得到辣辣既泡菜味，因为好味再ENCORE多一碟。
好耐无食过好食既响铃，难得呢度做得到
食咗咁多样最唔掂最揾笨系呢个养生盘 (花胶拼猪脚筋)，花胶无问题，但猪脚筋完全唔系𠮶回事，渌完个形状同花胶差不多，感觉已经唔系好对路，由于屋企好多时都会煮呢种食材，呢度既猪脚根完全无种黏性同软，所以我忍唔住问个职员究竟呢个系乜嘢既筋，个职员坚持话系猪脚根系咁架㖞，虽然我𠮶下真系有一刻想爆，不过我唔想打扰同朋友既欢乐时光，今次我算。
其他食肆一般喺食完后上生果/汤水，但呢度就生果+朱古力，有配搭少少特别，唔错，而且粒朱古力好味。
张贴
