影片
更多
2024-05-26
538 浏览
自从发现火炭工厦都有好嘢食，每次嚟到都想去返上次𠮶间餐厅试吓老细介绍话出面食唔到嘅午餐。今日两点几嚟到火炭，梗系去试吓啦。🤣今次去到餐厅入咗另一边，原来呢边环境靓好多。坐低扫完QR Code发现唔记得上次老细介绍边个餐。揾咗个餐厅职员，都系帮唔到我，点知佢竟然叫咗老细过嚟😅😅。我话唔记得咗佢上次介绍话出面食唔到个餐，佢话：「我哋呢度好多嘢出面都食唔到㗎。」😅😅老细介绍咗几个，最后佢问我食过佢哋嘅焗猪扒饭未，我今次系第二次嚟，上次食喇沙米线，即系未啦😂😂，佢话要试吓，咁就试吓啦 (其实唔知几多钱，不过应该唔会好贵嘅）😅。帮我落单个姐姐问我要汤定沙律，点知老细话两样都俾啦。😊😊👍🏼👍🏼一片青瓜入口已经知道沙津够新鲜，个罗宋汤汤唔会太咸或者过酸😋😋，平时只饮白汤嘅我要对红汤改观啦。😂呢度焗饭都唔算等好耐，大约20分钟，个饭一嚟到，我先俾中间啲黑松露吸引住，影完相，试第一啖，从未食过咁香口嘅菇！忍唔住问佢哋点解可以咁好食，佢哋话先炸咗啲菇再放喺饭面入焗炉焗。饭入面嘅菠萝同蕃茄都好新鲜。顾住讲配料，差啲唔记得咗讲主角-猪扒。😅猪扒唔系原块上而系「碎上」，已经帮你切开一件件，肉质鲜嫩，唔会焗到干晒
坐低扫完QR Code发现唔记得上次老细介绍边个餐。揾咗个餐厅职员，都系帮唔到我，点知佢竟然叫咗老细过嚟😅😅。我话唔记得咗佢上次介绍话出面食唔到个餐，佢话：「我哋呢度好多嘢出面都食唔到㗎。」😅😅
老细介绍咗几个，最后佢问我食过佢哋嘅焗猪扒饭未，我今次系第二次嚟，上次食喇沙米线，即系未啦😂😂，佢话要试吓，咁就试吓啦 (其实唔知几多钱，不过应该唔会好贵嘅）😅。
帮我落单个姐姐问我要汤定沙律，点知老细话两样都俾啦。😊😊👍🏼👍🏼一片青瓜入口已经知道沙津够新鲜，个罗宋汤汤唔会太咸或者过酸😋😋，平时只饮白汤嘅我要对红汤改观啦。😂
呢度焗饭都唔算等好耐，大约20分钟，个饭一嚟到，我先俾中间啲黑松露吸引住，影完相，试第一啖，从未食过咁香口嘅菇！忍唔住问佢哋点解可以咁好食，佢哋话先炸咗啲菇再放喺饭面入焗炉焗。饭入面嘅菠萝同蕃茄都好新鲜。顾住讲配料，差啲唔记得咗讲主角-猪扒。😅
猪扒唔系原块上而系「碎上」，已经帮你切开一件件，肉质鲜嫩，唔会焗到干晒咬到成口渣咁样。就连酱汁都值得一讃，我一向唔钟意茄汁，都觉得好好味，唔似有啲餐厅𠮶种好浓嘅茄膏味，芝士亦唔会太多，味道啱啱好。
我最近学人饮鸳鸯，不过未系好知乜嘢叫靓鸳鸯🤣。不过可能系我自己多口讲咗句「淡啲唔该」，杯嘢又真系几淡🤣🤣🤣。
今次喺度食完佢哋嘅黑松露特色鲜茄焗猪扒饭，$68有汤、有嘢饮，食材新鲜又好味，我应该返唔到𨍭头食连锁快餐店𠮶啲焗猪扒饭啦。🤣🤣
黑松露特色鲜茄焗猪扒饭
$68
325 浏览
0 赞好
0 留言
张贴
