信州日本料理

营业中

休息中

近西环海旁有一间日本居酒屋，食材新鲜，从日本每天新鲜到店，啲精选菜式成日好快卖晒。深海池鱼薄切薄切令晶莹剔透嘅池鱼食落口感有弹性，配埋柚子醋更加能够带出池鱼独特嘅清香。上刺身拼盘5种拼盘有五款每日新鲜运到嘅时令刺身，今日分别有带子、甜虾、深海池鱼、油甘鱼同拖罗。最喜欢系厚切嘅拖拿甘香肥美，入口即溶，帆立贝滑嫩鲜甜。鲍鱼牛油烧鲍鱼片伴上菇菌、秋葵及甜椒以牛油炒香，锁住鲜味，更加突显鲍鱼爽弹嘅口感。牛肋骨串牛肋骨够晒软腍，腌酱系店家自己调配，味道甜甜地，同牛肋骨好配衬。烧鸡颈肉鸡颈肉系平时比较少食到嘅一种部位，食落相当爽口，鲜美多汁。大根馒头好有创意嘅一道料理，卖相精美，口感软糯，好似汤圆咁，但系白萝卜的味道～鱼汤乌冬乌冬系传统嘅赞岐乌冬，口感烟靭有弹性，鱼汤底用咗刺身鱼嘅鱼骨，用6,7小时熬制而成，含丰富骨胶原，冬天饮特别暖胃。