鳴橋燒肉料理 (已結業)

午市有定食或放题，我哋就拣咗放题。放题选择有好多有刺身烧肉、炸物、汤饭类饮品及甜品全部都系任食。刺身我哋叫咗三文鱼、北寄贝、马刀贝、带子、甜虾，刺身够新鲜，质素唔错！三文鱼够肥美；北寄贝、马刀贝够爽口！带子虽然唔系厚切，但系都好鲜甜！甜虾有应有嘅水准，够鲜甜！前菜拣咗中华沙律及螺肉，亦都相当够冻够新鲜！肉类就算猪、牛、鸡、羊亦都好多选择。当然我最钟意食牛，牛舌、牛肋肉、一口和牛全部牛味都几香。我最钟意食牛舌及牛肋肉。猪拣咗豚背肋及豚拖罗。豚背肋我觉得肥瘦适中，最好食！豚拖罗就相对地较多肥肉，适合钟意食肥肉嘅朋友。整体上放题嘅质素都唔错！小店惊喜！