Mr. Mix 丼丼丼

营业中

休息中

平日每逢食日本丼饭都大排长龙，今次网上揾到一间外卖丼饭，新产品试试佢来历。一向对牛情有独钟，点了个慢煮安格斯烧牛肉切丼加滑蛋、沙律、薯角及水晶珍珠奶茶。先讲佢个慢煮安格斯烧牛肉切丼，除左卖相吸引，最欣赏厨师好贴心地将安格斯牛肉切件，牛肉质地嫩滑，食得出系上乘的安格斯牛。酱汁加入洋葱、冬菇，比起其他净酱汁的餐厅明显用心制作。入面附有渍物，似足日本丼饭。滑蛋金黄幼滑，成个丼饭超级丰富。沙律最怕食到底干身无酱，但呢个胡麻酱蕃茄沙律底部已经加左酱汁，即使食到最底都有酱汁包住，同埋睇得出生菜好新鲜。第一次饮水晶珍珠奶茶，卖相同台湾珍珠奶茶差不多，但原来水晶珍珠食落质感偏粉，只有外边层衣有Q弹感觉，甜甜地几好食，由于奶茶本身偏淡，所以整体吾算好甜，但如果奶茶味香浓D会更好。呢间外卖食材新鲜丰富，有高质惊喜，下次可以encore试埋其他丼饭。