Sushi Hana

营业中

休息中

今日同朋友二人去咗大坑呢间寿司店食厨师拍板午餐。$540一位，有12件寿司加两个卷物。一入去环境，大概坐到六至七个人嘅寿司枱。大概等咗10分钟，厨师就拿出一个盒子，将约10块不同的鱼生寿司拿出来。再逐一包上寿司饭。寿司醋饭好味，唔会太冧或者太酸，细细旧唔会令到你食到好饱。因为食咗10几款唔同嘅寿司，真系讲唔出每款系乜嘢嘅鱼。依间店舖用嘅酱汁，比较简单，不会有太花巧的装饰，多用天然食材衬托鱼生，例如海盐，柚子，紫苏叶，青柠等等。整体食物新鲜好味。印象比较深刻嘅系带子，鲜虾，海胆同埋鲭鱼卷物，好鲜甜，不过略嫌厨师较为吝啬，鱼生好薄身，将只带子一分为二，即每人只有半旧薄片。最后附送咖啡或雪糕，我拣咗咖啡，几浓味的日式咖啡🥰总括而言，食材新鲜好味，但因为鱼生比其他omakase薄, 个人觉得性价比比较低，男仔食完呢个套餐应该会肚饿。相信这个价钱可能有其他更好的选择。